حركات السعوديين

**********
دائماً مسرعين وماوراهم شي
**********
لازم ضرابة في اي لعبه جماعيه سواء كانت " كيرم " أو " بلوت " مروراً بـ " الـ أتاري "
**********
شي لازم يمر بطفولة كل طفل .. "انت مب ولدنا ، لاقينك بالشارع"
**********
ألام السعودية اذا ضاع ولدها تبكي .. وإذا لقته لعنة خيره
**********
لازم تنكسر صينيه ولا كاسة شاي بالبيت اذا فيه ضيوف
**********
كل الحريم عيالهم ما ياكلون ، حتى السمين: مسيكين وليدي مهوب ياكل أبد
**********
كل الهنود والاجانب اسمهم محمد
**********
مايحلى الإنترنت الا وقت الاختبارات والنوم
**********
الحريم اذا اتصلوا على الرجال اول كلمه تكون : "وينك؟" والرد دايم : "قريب"
**********
أي طالب سعودي "ما يداوم اول يوم بعد اي إجازة" او "اخر يوم قبل الاجازة" ماتفرق إجازة الصيف ولا أي إجازة ايام غايب غايب
**********
في كل بيت لازم مجلس للحريم ومجلس للرجال ويشوهون مخطط البيت ومع هذا مايزورهم احد
**********
أم توصي عيالها : "اذا سألوكم اي شيء قولوا : مادري"
**********
الطلاب ما يذاكرون للاختبار إلا ليلة الاختبار وينجحون بأمتياز”هذا الشي حير علماء العالم
**********
الأم تعاتب ولدها : "حرام عليك ليش ضربت أخوك الصغير وبكيته ؟؟" ... الولد : "هو اللي بادي"
**********
الولد مع اهله مايدفع ريال ومع اصحابه يحلف عليهم ماتدفع ريال
**********
فشلتونا : كلمة يقولها الولد لأهله إذا جاء يمشيهم
**********
الدولاب فيه مليون لبس واذا يت عزيمه "ماعندي شيء البسه, ياربيه وش اللبس,
بروح السوق ادور اخاف ما القى , ياربيييه ليتهم ماعزمونا"
**********
الكبار يمسكون الطفل وويحرجونه : "من تحب اكثر امك ولا ابوك؟ "
**********
يوم الجمعه : يوم السمك العالمي
**********
ما يعرفون يطلبون بالكوفي إلا : "كبتشينو" وبعد إدمان للكافيهات .. صار يعرف : موكا
**********
يستخدمون كأسات الجبنه للشرب (ماء أو شاي)
**********
لازم ماتقول انك بخير ومبسوط .. ضروري ضروري تكون تعبان ومهموم ومديون او ماتكون انسان
**********
آكل الـ " آيس كريم " بشويش علشان اخوي يخلص حقه قبلي واقهره
**********
في عز الفرحة: "مناسبه سعيدة ، عيد ، سفر ، مجتمعين على الغداء .. الخ" ، تلقى الام تهاوش بناتها والولد يضرب اخواته
**********
سوالف البنات بعد الزواجات: أنا اكشخ وحده , وانا احلى وحده , ويوم مريت
كلهم ناظروني , حركات الشعور بالنقص ودك تلفعينها وهي تسولف
**********
انخطبتي ؟ اصص لا تعلمين احد !! نجحت بممتاز ؟ اصص لا يدرون عنك ! وكله عشان لا يضربونها عين
**********
لا تسلمين خليها هي تسلم .. ويخلص العرس وماسلموا على بعض
**********
اذا عرفوا إن الولد يحب اخته المولوده ولا يغار، يقولون له بناخذ اختك ، يالله هاتوا ملابسها
**********
إذا بتتزوج ماتعلم إذا حامل ماتعلم إذا بتسافر ماتعلم إذا مرضت ماتعلم إذا
نجحت ماتعلم إذا سقطت ماتعلم كن ماتزوج ولا حمل ولا ولد ولا سافر ولا مرض
غيرها
**********
سلام الجدات : هلا
وشلونكم وشخباركم وعساكم بخير وشلون عيالكم وشلونكم و شلون شايبكم وشلونكم و
شخباركم وعساكم طيبين وشخباركم وكل هذا في 30 ثانيه
**********
عند كل سوق لازم تلقى مجموعه شباب يبون يدخلون وهم يدرون أنه عوائل
**********
سعودس يسأل عامل اجنبي ... انتا مسلم ؟ مين كفيل ؟ وين شغل ؟ كم راتب ؟ امممممم ايش اسم انتا يامحمد
**********
الام كل ماشافت عيالها عند اللاب توب او معاهم البلاك بيري او الايفون: تدعي ع اللي صنعهم
**********
حالة طوارئ يوميا الساعه السابعه صباحا
**********
إمك وابوك من عرفتهم وهم الأوائل في كل دراستهم وأنت اللي ما طلعت عليهم
**********
رمضان حزة اذان المغرب : أذن ؟ لا ما أذن ؟ إلا كني سمعته ! اطلع شف اذن ولا لا ؟ أذن ؟ طيب حطو قناة .... ونشوف
**********
اذا خلصت بطارية الريموت ، يجلس يعضه ويعضه ويركبه ويشتغل الريموت ويحس انه سوا انجاز
**********
الرجل السعودي : يلا أنا عند الباب اطلعي وهو باقي له ربع ساعه يوصل البيت
**********
مواصفات زوجة المستقبل عند أي خليجي .. طويلة وبيضا وشعرها طويل ..
**********
كل الطلاب اللي درجاتهم ضعيفه ..بينهم عذر مشترك ..وهو ان المدرس حاقد عليهم
**********
الأم : يا وليدي ارجع للبيت بسرعه بس ( لا تسرع ) !!ء
**********
عندك واسطه ! تدخل جامعه ، مستشفى حكومي ، وزارات ! ما عندك شي ؟ اقعد في بيتكم
**********
يمر لمحل وجبات سريعة .. والطلب : همبرجر تريبل .. اكسترا شيز .. مايونيز , وعشان الرجيم : الببسي دايت
**********
إذا معانا مشروب غازي و تعلق فينا ياهل نقوله : " هذا دوا يابابا دوا "
**********
تلاقي المتسوق عند الكاشير يحتج و يشتم فيهم لأن الأسعار عالية ، و بالأخير يطلع الفلوس من جيبه و يعطيها للكاشير
**********
مستحيل تأخذ سندويتش للمدرسة عشان ما يقولون عنك مصري
**********
أكبر بنت وولد على اسم الجد والجدة
**********
نتواعد نطلع 6 وتصير الساعه 8 وبعدنا ماطلعنا
**********
اذا بيقومون شخص من النوم ، يطفون المكيف ، يفتحون اللمبات يشيلون الفراش , وأحياناً يرشونه بالماي
**********
عندهم مشكلة مع الجنسيات الأخرى ! يحسون أنفسهم أحسن ناس محد قدهم ! وباقي الشعوب ولا شي
**********
الصغار مايحبون يسلمون عالضيوف الا بالقوه .. وبالعيد ما يخلون احد مايسلمون عليه عشان العيديه
**********
الام تدلع ولدها والبنت ملعون خيرها
**********
اذا جو يصلون لازم يلفون شوي يسار للقبله
**********
اذا مريت عند ناس وهم واقفين ولا سلمت قالوا شايف نفسه واذا سلمت قالوا يبي يتعرف
**********
اذا كنتوا جالسين وطلع واحد ، حشيتوا فيه واللي يخاف ان يحش فيه مايطلع الا آخر واحد
**********
الطفل السعودي يكلم طفل ثاني : أبوي أقوى من أبوك , سيارة أبوي أحسن من سيارتكم , أشوف عضلاتك , عضلاتي أكبر من عضلاتك ...... الخ
**********
الطفل السعودي اذا كان بالشارع ومرت سياره ، يشوت نعاله عشان إتدوسها السياره
**********
العائله السعودية اذا سافروا لازم يسكنون بنفس الشقه اللي سكنوها العام الماضي والا ماكأنهم سافروا
**********
اذا كنت تحس ان كل الي انكتب هنا يصير بحياتك
فـمبروك: انت سعودي أحس إننا عائله وحده

اشكرك

العفـو ^^

مشكؤؤؤؤؤؤؤرة
على الموضوع

الععفو

اللهـ يعافيك

نورتـي ^^

ههههههه
اي كأن السعوديه كلها عايله وحده